mytvsuper世界杯拍剧辛酸李施嬅甩
李施嬅现身无綫剧集《天命》于商场举行嘅首播，佢话有两年几冇出剧，希望大家支持：“我好似消失左咁，啲人问我系咪冇做，以为我嫁人、生仔。（撞正世界杯播出，会唔会觉得运滞？）系天命。大家可以去myTV SUPER睇番。我拍呢套剧搞到甩头发，有辛酸时间，大家要支持我。”除左甩头发，施嬅话其中一场戏差啲畀对手谭俊彦捏死：“佢捏到我青筋都出晒，佢仲话我啲青筋都识做戏，系因为佢太肉紧，佢真系好投入。”
施嬅话计划同“胡说八道会”嘅好姊妹姚子羚同胡蓓蔚一齐去旅行，其他成员胡杏儿就忙凑B，胡定欣就要拍剧去唔到：“想去泰国或者菲律宾展开一个洗涤心灵之旅，之前一直忙拍剧，又要飞嚟飞去，太辛苦，我的去到嗰边食全素又会冥想之类。”不过，之后佢又补充话此行其实最重要系影泳衣照，仲爆胡蓓蔚买左新泳衣，好想着嚟影相。
唐诗咏话喺剧中饰演陈展鹏嘅红颜知己，仲话两个人嘅场口好甜蜜：“虽然场口唔多，但好精景，古装唔会太激情啦，我的唔系《深宫计》。（有冇肚兜睇？）我的玩心意，用好含蓄方式表达。”讲到新剧撞正世界杯，诗咏话：“老爷（陈展鹏）话唔撞喎！所以话男人都系唉女人。各有各好，呢套剧好好睇，难得好多前辈、好戏之人一齐做，所以我对收视都有信心，而且好多场波都打晒，我会捧自己套剧场。”而今日诗咏都着得几“峰”骚，睇嚟系想同世杯抗衡呀！
剧中主角陈展鹏同谭俊彦（Shaun）都有现身，展鹏话拍剧以来系第一次喺商场搞首播，赞Shaun好幸运。讲到新剧撞正世界杯，展鹏坦言：“系啦，世界杯都几难搞，我自己都有睇，不过只要系好作品，观众就会睇。”Shaun认为依家整个体制同以前唔同，观众可以上网睇又可以睇重播。
提到剧情，Shaun爆展鹏嘅爱情线几激烈，展鹏解释：“我都系第一次，因为年代问题，清朝可以有好多老婆。其实我嘅激情戏系同男演员，同女演员系甜蜜。”Shaun笑言自己身边都系得太监，仲话全部都系“棒棒堂”，展鹏安慰佢：“开头一、两部剧系棒棒堂，之后就会好激情。”Shaun就话唔使喇，问佢系咪要太太批淮？佢话：“佢冇得唔畀，不过电视尺度都唔会太离谱，我老婆都系艺人，佢话我做几多，佢就会十倍奉还畀我。而且费事小朋友睇到会问点解唔系揽住妈咪。”
另外，有指展鹏同同剧嘅袁文杰不和，展鹏就笑笑口咁讲：“都系时候，我咁沉闷，系要有啲新闻畀啲宣传我，等我回应吓有啲野讲，我同杰仔尽在不言中，佢今日因事，所以嚟唔到宣传，并唔系因为我的唔妥，下个差唔多到你（谭俊彦），同男人不和好过同女人。”
